நீச்சல் பழகாதவன்

காலடி மணல் அரிப்பெடுத்து

என் பயணம் நீரோடானது 
முதல் எழும்புதலில் 
அவளை முதன்முறை 
பார்த்த முகத்தை 
உள் விழுங்கினேன் 
இரண்டாம் பயணம் 
சற்றே ஆழமானதானது 
மீண்டும் மேலெழும்பினேன் 
இம்முறை அவளோடிருந்த 
நாட்களும் நினைவுகளும்
என்னுள் இறங்கியது
மேலும் நெடிதான பயணம்
அடியிலுருந்து மேலெழுந்தேன்
கடைசியாக அவளின் அன்பு
என்னுள் தானே இறங்கியது
கடைசி பயணம் சலனமற்று
ஆற்றின் கீழே முடிந்தது
உடலை தேடியெடுத்து
கரையில் போட்டவன் பகன்றது
நீச்சல் பழகாதவன் ஏன்
ஆற்றில் இறங்க வேண்டும் என்பதே

தேடல்களும் காலமும் 

தேடல்களும்

 தேடுமிடங்களும் 
காலத்தால் மாறலாம் 
தேடுபவன் மாறவில்லை. 
தேடுபவன் மாறினாலும் 
தேடல்களும் 

தேடுமிடங்களும் காலத்தால் மாறவில்லை.
தேடுபவனும் 
தேடுமிடங்களும் 
காலத்தால் மாறலாம் 
தேடல்கள் மாறவில்லை
 தேடுபவனும் தேடல்களும் 
காலத்தால் மாறலாம் 
தேடுமிடங்கள் மாறவில்லை

என்னை பற்றி

நான் ரகுநாதன், சிவில் பொறியாளன், காஞ்சிபுரத்தை சேர்ந்தவன்.  எனக்கென்று ஒரு பக்கத்தை உருவாக்க வேண்டும், அதில் எனக்கு தெரிந்ததை எழுத வேண்டும் என்று மட்டுமே ஆசை. 

பக்க பலமாக இருப்பது வ. மணிகண்டனின் தைரியமான வாசகங்கள்.  பாப்போம் எந்த அளவுக்கு போகிறதென்று. 

எழுதுவது என்று ஆனவுடன் சில முடிவுகள் எடுக்க வேண்டி உள்ளது.  

௧.   தெரிந்த, தொடர்பில் உள்ள நபர்களை பாதிக்க கூடியதை தவிர்த்தல்.

௨. விவாதம் என்றால் பின் வாங்குதல்.

௩. மற்றவர்கள்  கதை என்றாலும், சொல்லும்பொழுது தன்னிலை படுத்த போகிறேன். பல விஷயங்களில் இது நல்லது என்று படுகிறது.

நேரம் நிறைய உள்ளது, பாப்போம்.

எனக்கு ஆகி வந்த எல்லா கடவுளும் உங்கள் எல்லோருக்கும் பிடித்த கடவுளர்களும் துணை நிற்பார்களாக.

நன்றாக போனால் நன்றிகள் சேர வேண்டிய இடம், சுதர்சன், காமாராஜ் மற்றும் வ. மணிகண்டன், தவறு என்றால் என்னை மட்டுமே சாரும்.

நன்றி,

Raghunathan. V. R.